نقطة ضعفك
لساك بتتشعلق ف حبال الحب الدايب
ال مش موجودة الا ف اوهامك
وبتنسج منه خيوط الحلم
لجل ما توصل يوم لطريق
وبتدخل ليلك هربان
م الشمس لتكشف نقطة ضعفك
وتعرى قصادك صوره حلمك
وتعرف قلبك ليه اتخان
مش هاينه يا قلبي العشرة عليك
والذكرى اللى بتحييها ليلاتى
بممارسة روحك كل طقوسها
من يوم ما شافتها العين
ولغايه اخر لحظة
وبتجبر عينك تحلم بيها
وتغنى اليها بصوت مشتاق
وتقوم وبقايا الحلم نن عنيك
مسجون ف جفن بينزف اه
واجابة قلبك الف سؤال
بيزيدوا مرارة الصبر ف جوفك
ديمن تتلذذ بعذابك
وبتقتل املك بغيابك
وبتحدف عمرك للموت
بتجمع ف تابوت احزانك
وكأنه ميراث هتسيبه لغيرك
اطلع للشمس اهى بتنادى
فوتك من عشتك ف الماضى
وانسج احلامك ف النور
وما ترمى حلمك ع الفاضى