ذكريات أول فراق


لسها بردة بتشغلك
ويفوح ف حلقك اسمها
ويعذبك طول البعاد
ويدوب ف ريقك طعمها
وكل مره بينتهى فيها الجواب
تلاقى قلمك غصب عنك
نفسه يعرف عامله ايه ......؟
وصلتى بعدى لحد فين
لاقيتي بعدى حبيب جديد
يدارى شرخك جوه منه
يستعير منك دموعك
والقلق بيخطى فيا كل لحظه
يفتح ف عقلي ميت طريق
ذكريات اول فراق
وانتى ايدك من ايديا بتنسحب
ساحبه روحى م الضلوع
فايته حلمى للبعاد بيخطى فيه
وانتى واقفه زى مانتى ورضه بابك
واخده جنبك فرحتى
افتكرتى مره واحده
تكتبي فيها الجواب
اللى قاعد من سنين استنى فيه
مش عشان تقوليلي ارجع
قلبي جنبك
طمنيني ف يوم عليه
متقوليش
خايفه لتشيل الهموم
ضهرى لسه ماتناش
لسه بقدر ع الغروب
والبعاد اللى ما بينا
مش حدود لبلاد كتير
دا اللى بينا حد فاصل
بين حياه او حتى موت