وليه بحلم
اهداء
( اليها دائما )
.الحلم الذى انتظرته طويلا ورحل عنى
وليه بحلم
وليه بحلم كتير بيكي
واردد كل امانيكي
انا ف غنوه ورا التانية
وبعمل نفسي مش قاصد ؟
ولحظة ما التقى بروحى
بحس كانى مش طايل
وببقى طفل بتحايل
على الدنيا تجمعنا
واية معنى كلام الحب لو فيكي مقولتوشي ؟
وايه معنى دموع البعد وعيوني محزنوشي ؟
يا شرقة شطى م الموجه
بحسك كلمة ممزوجة
بفرحة قلبي وبكايا
ف لحظة بتبقي ويايا
واحس كانى انا وحدى
وياما كنت مستكتر انا حبك
وياما كنت مستهتر اوى ببعدك
ولما كنت بتلاقي بننك يوم
ولا يشوفنى
وكنت بقول اكيد رمشك مداريني
على عينك عشان ننك مخاصمنى
وقولت ياريت تشوفيني
وانا اجيلك تعتبيني
ولا يطولشي علينا البعد
وتتلاقي قلوبنا بوعد
على ننك تصلحيني
وحبيني
وحبيني ودا مش امر
وحسيني كانى العمر
زى ما عشت انا بيكي
كل دقيقة من عمرى
ولو هبكى انا راضى
وفيكي دموعى هداريها
وهخفيها ف نن العين
علشانك بعيش التنين
مع حزني اعيش فرحك
ولو حتى الزمان جرحك
انا هفرح علشانك
واحقق بيكي احلامك
يادنيا نفسي محلمشي
ف ليله غير باحلامها
وقدامك انا مغمض
وكل نجومى خدامها
وليه يا عيوني مش راضيه
وعيزانى اقوم واصحي
مانا بكرة هنام تانى
على حلمى ومش هصحي
ساحة النقاش