حتكونى لولدى
للشاعر مدحت عطية ( ديوان أنا كلمة )
مصر ساكنه هنا
في بالى .. وترحالى
ساكنة الخطاوى
في غربتى .. وموالى
ساكنة الكلام
في حلم .. الليالى
بتوه ساعات
لكن بلا قيها
بابعد عشان أقرب
وأعشق حواريها
عارف بكرة مفارق
وبعده حكون فيها
يبقى الحب منها
وبرضه ليها
بسافر وأقول أتغرب
أتارينى منك بقرب
لما يوحشنى شوارعك
لما الشوق .. أجرب
ببعت أقولك راجع
تقولى لى .. مستنية
وأن قولت سامحينى
نيلك .. ميته فيا
بلقى ترابك حنة
أصرخ .. يرد عليا
بلدى يامصر بلدى
وان كنت .. حتكونى لولدى
يعطش من نيلك يشرب
يكبر على قوله بلدى
