ما يحكمش
للشاعر مدحت عطية
مايحكمش
إل شايف
بس الوطن
أهل وعشيرة
والباقى ولاد
بطة سودة
ملهومش عنده
حتى .. الغيرة
ما يحكمش
إل عنده جماعة
هما الخيرة
إل قبل ما يحكم
يَعَلم
دول من ناسى
ودول من الجيرة
ما يحكمش
إلـ جوة حاجة
وبراه يقول
حاجة .. تانيه
ما ينفعش تحكم
وأنت بتتنفس
كذب
كل ثانية
إزاى يحكمنى
وأنا رفضه
إزاى يحكمنى
حبه .. بوم
تحكم إزاى
وأنت .. محكوم
متقيد لوحدك
وسط .. كوم
تحكم وأنت
سلطانك
مٌش .. ضميرك
ولا دينك
سلطانك
حد .. غيرك
تحكم وأنت
شىء
فى إيد .. أميرك
وأنت هواء
ما تفرق عن
حميرك
تحكم مين
تحكم واحد
خايف .. منك
مش مأمن لك
مش هيطيعك
حاسس .. غلك
وحرقة شمسه
هتكون
أحلى من ضلك
تحكمنى إزاى
وأنت بتوانس
قادم .. عينيا
وأنت بتقسم بيتى
وإل مخدش تقولة
المره .. الجاية
إزاى أطيعك
وأنت بتبدى
الغريب .. عليا
وأنا جانبك
وتديله
إل فى إيديا
انا واحد
من ناس
جنب جماعتك
بنقولك ما تحكمش
وهات
إل بعتك
بس ياخوفى
ألقاى وراه
صوت
زى إل كان
فى سماعتك
مايوزنش
إل معهوش
ميزان
وبيوزن .. بره
ما يحكمش
إل خان
بلاده .. مَرة
صعب تكون
رئيسى
مش هقدر إبلع
لقمة .. مٌرة
أموت
والعبد ما يحكمش
حرة
