مجلة عشاق الشعر الإلكترونية.. ممدوح حنفي
الجمال مش بالكلام
مش اوانطة والسلام
الحكاية مش نفاق
والكرامة مش ظلام
ياما ناس متعلمة
ومحرومين م العلام
واللي صدره حتى ضاق
حتى من أكل الحرام
والقلوب... متالمة
م الفسوق وم اللئام
والرشاوي بتشتغل
كله أصله ف التمام
م تقولولي ايه النظام
الفساد ماله ومالنا
عقده معانا ماله دام
حالنا مش هو حالنا
حالنا ماله ...يا كرام
سادة اللعنه مابيننا
حتى روح.. الإنتقام
التسامح في أجازة
الود بيننا أصله صام
إحنا زي وحوش في غابة
القوي ياكل الضعيف
والأسود تاكل النعام
الحكاية مش نفاق
الحكاية مش... كلام
ساحة النقاش