اللى عايزنى يجينى ... للشاعر محمد محجوب .

مجلة عشاق الشعر الإلكترونية.. ممدوح حنفي 

اللى عايزنى يجينى ...

أنا مش هسأل فيك ...
لهيب البعد كاوينى ... 
وبيسألنى عليك .....
كل ما اقول ....
يا ... هجرنى ....
تشرد ... وتهرب ....
منى ... عينيك ...
قرب .... منى ....
أسأل ... عنى ....
طيب خاطرى وإخلف ظنى..
دا انا مشتاق يا حبيبى ....
كفاية فراق يا حبيبى ....
إوعاك تفهم إنى ...
هبيع العمر عليك ...
لكن قلبى مش مطاوعنى..
وبردو شعورى بيهرب منى..
وارجع تانى وأقول ...
اللى عايزنى يجينى ...
أنا مش هسأل فيك ...
مهما النار تكوينى ...
ههرب من أرضيك ...

يمكن دا يرضيك ...