أهداء لوالدى الذى يرقض على السرير الابيض اعاده الله لنا بالسلامه
انا ببقى تايه وانت بعيد
ببقى مش عايش أكيد
بالقى روحى مشتقالك
وبلاقى نفسى فى بعدك وحيد
ويوم ما أقابلك بيبقى عيد
وألاقى قلبى فرحان سعيد
ينسى كل اللى جراله من هم
ويحس بالهم وانت بعيد
ده حبك يابا مش كلام
وياما شفت منك علام
ده حب غالى مفهوش كلام
ده عمر تانى وبعيشه جانبك
أحضنى يابا ونسينى الألام
يارب ترجع تانى لينا
وتملى الفراغ اللى مالينا
انا يابا من غيرك مش عارف أعيش
والحياه بدونك ماتسويش
ارجعلى يابا وحياتى عندك
انا قلبى تعبان قوى فى بعدك
و بدعى ربى يخفف عنك
وترجعلى تانى وأبقى فى حضنك
فراقك يابا هيوجعنى
وانا عارف ربنا سامعنى
انا لسه حاسس بأحتياج 
وفيا ميت مليون وجع
رفضين فى بعدك العلاج
يارب اشفى ابويا وخفف عنه هو ومرضى المسلمين جميعا" اللهم امين