حكايتى مع بسكوتة... زجل د /عبدالله منصور

مجلة عشاق الشعر الإلكترونية.. ممدوح حنفي 

بسكوتة : بطلة حدوتة.....حبيتها تقولش ابويا وصى

من غيرها الدنيا ملتوتة.......مختلفة عن باقى الرصة !

بسكوتة : دهب شعر القصة ..سحرتنى ياعالم من بصة

مسكر..وانا اموت فى السكر ،ومحل البسكوت اتوصى

عينيها : بحر مالوش قرار..باتوه فيهم لما اتقصى
شفايفها : ولا عروة زرار..رقة وحلاوة هى الاقصى
بق : صغنن حابس اسرار..شرح جماله يحتاج حصة
رقبة نفرتيتى واحلى . (مجعوصة ع الكتفين جعصة) 
صاروخ ..لو شفته تدوخ، ولو اديب ...تكتب قصة 
حبيتها من بعيد لبعيد ، اصبح تواجدها عندى عيد
، لما بشوفها بابقى سعيد ، واحلم ... واتخيل مواعيد
، ومقابلات مع ايد فى الايد ..يوم عن يوم الشوق بيزيد
.انا قلت اروح وبحبى ابوح، ووصلت بلدها ف مطروح
..فرجعت للقاهرة مدبوح..بمرض نفسى ،وفؤاد مجروح
..قالتلى : مانتش من تيبى ، شكلك ماينفعش خطيبى
قلتلها : بسكوتة ..باحبك !..قالت : دا عيبك مش عيبى !
ورجعت وانا باتمنى الموت..كرامتى ورمت م. الشلوت

، وكرهت السكر وعييت بيه ..وماعدتش احب البسكوت.