زي الحلم... بقلم الشاعر /طه إبراهيم

مجلة عشاق الشعر الإلكترونية.. ممدوح حنفي 

الطيار طير طياره

راح لحببته وقال يا خساره

نفسي اشوفك فوق السطح

إنتي وكل ولاد الحاره

لمي ولاد الحته معاكي

والمعصوب يلبس نضاره

عايز كل الناس تتفرج
وانا بتمخطر بالطياره
لما أعدي عليكي حببتي
نفسي الائي أي إشاره
لما تلائي الصوت بيزن
وانا بتمخطر زي الجن
نادي وقولي أي عباره
أعرف إنك بصه عليا
هتلائي مني أحلي مهاره
تعرفي إني حبيبك شاطر
عمال يلعب بالطياره
بس إدعيلي يا ستي ساعتها
خايف ألبس أي عماره
تبقي سعاعتها الكارثه بجد
كل تاريخي ف لحظه إتهد
واللي يقول دا يا عيني اتجن
واللي يقول دا شهيد الحب
واللي يقولك راح وإنسيه
اوعي يا حلوه تفكري فيه
تفضلي عايشه ف سجن الوهم
بكره يجيلك فارس غيره
يحفي ويجي يبوس اليد
اصحي يا بنت فوقي يا بنت
سلمي قلبك ياله لحد
عارفين إنه كتير بيحبك
وإنه كمان كان راجل شهم
لكن فات الدنيا وراح
عدي ف لحظه زي الحلم
نفسي ساعتها حببتي أشوفك
وقفه ف وش الدنيا بجد
حاولين قلبك مليون سد
حبي وحبك ساكن فيه
و لا هتيجي ف يوم تنسيه
وتبيعي قلبك للي شاريه
و لا ساعتها يموت الود
نفسي حببتي اسمع رد