غناي حزين
عاميه سودانيه
بغني ليك قدر ما يبقى قلبي حزين
بغني ليك واناجيكي واناديكي
ياروحي الفراق ﻻ متين
واهاجر ليك
مدن مهجوره مدن مسكونه
مدن تنخاف مدن مامونه
ديار عمرانه بالطيبين
دوام منشرحه
تنوم بالفرحه وتحلم بالعديل والزين
واغني ليك غناي حزين
غنا الوجع الملتخ بالخبوب والطين
غنا العرق المﻻزم جتة الكادحين
علي ارضا بقت بوره
وفاتت هجرتا طيوره
علي المحل السنين وسنين
يبس نخﻻ
وطال محﻻ
وكم فرقان وكم حله
ﻻماعون وﻻ حله
وكل آماﻻ في باكر اكيد باكر بتتنحله
ويابارينا ياالله
ياخالق الخلق رب الكتار والقله
تجمع شملي بي زوﻻ ظريف وحنين
اغني ليو غناي حزين
يهنيني واهنيهو ونمﻻ الكون بنات وبنين
احمد حسن المقلي
الخرطوم اغسطس 2015