جارى التحميل
استخدم زر ESC أو رجوع للعودة
********************
**مصر بلد الخير والامان**
********************
بص بعيونك ف الوشوش
هتقول يارب كفايه حوش
دى ناس غلابه ماتستاهلش
غير الديابه والوحوش
******************
الشر له ولا الف وش
ماسك سلاح عمال يقش
والخير ملوش غير وش واحد
وف ايد ضعيفه ازاى تهش
******************
زمن العجايب والعبر
فارد قلوعه على البشر
والحق متكتف ايديه
وازاى هينقش ع الحجر
******************
يارب عالم بالعباد
استرها على كل البلاد
دى بلدنا عانت م الفتن
احفظها من شر العناد
******************
هنعلى رايتك يا وطن
ولو حياتنا بقت تمن
بالخير تعيشى يامصرنا
حره على مر الزمن
******************
بسم الله الرحمن
نزلت سور القرآن
محروسه فيها يا مصر
بلد الخير والامان
**************************
شاعر الروائع / أشرف فؤاد السمادونى
(مجلة عشاق الشعر)(1)(ممدوح حنفي)
ساحة النقاش