مجلة عشـــاق الشعـــر الإلكترونية (ممدوح حنفي)
الشاعر احمد ابراهيم
حبيبتى ليه
======
بقلم الشاعر المصري/احمد ابراهيم
====================
من سكات هاجر ربيعك
والخريف اصبح هنا
من سكات جوايا صرخة ذكريات
عشش سواد على فرحنا
حببتى ليه الوقت فات
من يوم ماغبتى ودمعنا
جوة العيون المسكونين بحزننا
البسمه ليه نسيت حبيبتى خدنا
كتير علينا اللقى
ولا اللقى
مكتوب لغيرنا مش لنا
حبة حروف
اسمك واسمى
ع السطور متفرقه
ومغربة كلمة حنين
متغرقه بحبر الزمن
ساقية ودايرة بالتعب
دمعه بتحرق خدنا
صرخة وماليا بحر هايج م الدموع
واللى انجرح كان قلبنا
حببتى ليه اتألمة كل الحروف
كل الحروف مليانه خوف
واصعب فراق كان بعدنا
انتى وانا
مشوار طويل بكيت خطاوى من سنه
شمس الشروق حببتى لسه مغربه
حبيبتى بسأل الزمن
يمكن يقول فرّقنا ليه عن بعضنا
والخطوة ليه متصعّبه
وعنينا ليه فى وسط ساقيه
عنينا ليه متعصبه
ضؤ النهار عيّر مساره
وبعيد بعيدعن دربنا
بنده عليكى بس تاه
صوت الندى فى الفضا
===================
بقلم الشاعر المصري/احمد ابراهيم
ساحة النقاش