مجلة عشـــاق الشعـــر الإلكترونية (ممدوح حنفي)
يا عزيزى كلنا لصوص
ليه بعد ثورة متحضرة العضم بينخر فيه السوس ؟
والناس كده متغيرة ........ واتحكمت فيها الفلوس
الناس على المبدأ بتدوس وتعظم فى الجنية وتبوس ا
وكتر الهبر وكتر الهبش والشيطان سكن النفوس
وانتهازية جابتنا ورا وفوضى اتعملت لنا مخصوص
وكتر الهبر وكتر الهبش والشيطان سكن النفوس
وانتهازية جابتنا ورا وفوضى اتعملت لنا مخصوص
بياع بيسرق مشترى ، وعفى على الناس يفترى
.. ركاب بتضرب كمسارى,واللى يهزأ عسكرى
واللى بيسرق بالاكراه على السريع والدائرى
واللى بيبنى فى غير ملكه ....واحتل أملاك أميريه
واللى بنى من غير تصريح .. وبالدراع وصل مية
وكهربا من غير عداد....... ولا حد قال له منين ديه!
وأصحاب محطات البنزين بتبيعه فى السوق السودا
اصبح بيتباع فى الدكا كين وخلاص بقت عاده وموضه
وكذا الانابيب والكيروسين وبعوده يا ثورة بعوده !
وعشان فيه حمى قلاعية وبعضنا خاف م اللحمة
السماكين عقدوا النية ورفعوا الاسعار فى الزحمة
بتوع الفراخ بعد شوية وبنية اسود م الفحمة ,
..باعوا بأسعار مؤذية ولا عاد فيه شفقة ولا رحمه
واضرابات ,ومرض لعين .....اسمه : وقفات احتجاجية
بيخسروا بلدهم ملايين .... عشان المهية تزيد ميه
...مطلوب هيبة دولة قوية ..وردع للفوضى دهيه
,يا عزيزى كلنا لصوص ،...نصحصحوا ضميرنا شويه؟!!
مع الاعتذار لاسم الفيلم
.....................................................
بقلم د. عبدالله منصو ر _____ يوليو 2012
ساحة النقاش