مجلة عشـــاق الشعـــر الإلكترونية (ممدوح حنفي)
حد ياكل م الزباله
كلكم هنا معزومين
يالي فاكرنا حثاله
إنتوا فعلا غلطانين
..............................
حد فينا إختار نصيبه ؟
حد فينا إختار أبوه ؟
إللي خَلِفْ دارى عيبه
خاف يقول الناس شافوه
................................
إيه ذنبنا وعملنا إيه؟
ليه إحنا ديما مكروهين ؟
فين حقنا يا أهل الضمير ؟
لو حد فيكوا سأل عليه ؟
يقولنا السكه فين !
...........................
إترمينا في الزباله
وكل ليله بألف حاله
من غدانا أو عشانا
إعرفوا مين الحثاله ؟
إللي خَلِفْ
وإللي طَنِشْ
واللي عنده الحق فَلِسْ
............................
يا كل مسؤول في البلد
فين حق الطفل اللي تولد
من غير سَنَدْ
كل يوم الظلم بيزيد والعدد
بقلم / عصام دويدار
ساحة النقاش