مجلة عشـــاق الشعـــر الإلكترونية (ممدوح حنفي)
فى توبك يا هلال رمضان
تهل الفرحة والتوبة
تدوب فيها ذنوب العام
فى نور فرحك تراضينا
قلوب واقفة على بابك
يطيب الجرح فى رحابك
نسيم الشوق لطلابك
وبصيامك توضينا
وخطابك مراكبيه
فى بحر حنين تلاميذك
لضى صيام قناديلك
قيام الليل وقرآنك
شرا ع الخير فى ايامك
وذكر الله ملاغية
يلاغى القلب بالتوبة
ويمحى سوادة مكتوبة
وسهيرة على السبحة
بذكر الله قلوب طارحة
يجمع صوتها فى ملايكة
بتبحث عن قلوب دايبة
لذكر الله كما الدايرة
على موجة هدى القرآن
وجوه ناضرة بانوارك
جباهم ساجدة للمالك
كحلم تطوف فى اعوامك
سنين العمر نطويها
ونستناك بشوق فيها
هداية ومنة م الرحمن
أشعار ورباعيات أسامة حسنى
كل عام وانتم بخير
ساحة النقاش