مجلة عشاق الشعر الإلكترونية. .ممدوح حنفي
جوه مني ألف صوت
حسه اني خلاص بيموت
صوت مخنوق مـ السكوت
وأهي ايام بتعدى اوام وتفوت
جوه مني
الكلام غطاه السكات
والقلب الاخضر دبل ومات
والفرح عنوانه الآهات
والايام الحلوة بقت ذكريات
جوه مني
طعم الحلو مر
واسرح ويا احزانى
والساعات تمر
كَتر الشجن خلى
الدمع مش حر
والفرح ليه فى القلب
باهت مش بيسر
جوه مني
صوت بيصرخ
بيعترفلك
نفسى من تانى
احس نبض قلبك
وتلملم من تانى
ذكرى حبك
ويعود عشق قلبى
جوه قلبك...
ساحة النقاش