**جو منى**بقلم الشاعرة الرائعة:منى حسين

مجلة عشاق الشعر الإلكترونية. .ممدوح حنفي

جو منى ألف صوت

حسه انه خلاص بيموت

صوته مخنوق من السكوت

وهى ايام بتعدى اوام وتفوت

جو منى

الكلام غطاه السكات 

والقلب الاخضر دبل ومات

والفرح عنوانه الآهات

والايام الحلوة بقت زكريات
جو منى
طعم الحلو مر
واسرح ويا احزانى 
والساعات بتمر
كَتر الشجن خلى
الدمع مش حر
والفرح ليه فى القلب
باهت ولا بيسر
جو منى
صوت بيصرخ
بيعترفلك
نفسى من تانى 
احس بنبض قلبك
وتتلملم من تانى
ذكرى حبك
ويعود عشق قلبى
ويا قلبك...