مجلة عشـــاق الشعـــر الإلكترونية (ممدوح حنفي)
(مش خايف)
انا خايف انا مرعوب
خايف لشمس بكره متطلعشى
بعد اما اصبح ذكرى وﻻ ارجعشى
وابن قلبى ييجى يبنى بيت
ﻻ يﻻقى ارض وﻻ يﻻقى طوب
انا خايف انا مرعوب
قدامى كل يوم بيشب
عوده بيقوى فوق خضار القلب
فارد جناحه للحياه والحب
ﻻ يعرف قدره وﻻ يعرف المكتوب
انا خايف انا مرعوب
خايف على ولدى من اﻻيام
تربط ايديه من ورى وقدام
و اﻵهه تسبق عنده كل كﻻم
ويبات ليﻻتى مقهور قوى مغلوب
انا خايف انا مرعوب
خايف ما يلقى شجرة تضلله
وﻻ يﻻقى ثمره تأكله
وعمره لسه بيبتدى وف أوله
خايف ف كشف الشقى اسمه يكون مكتوب
انا خايف انا مرعوب
خايف لقطر العمر منه يفر
يفضل مكانه واقف محلك سر
خايف يجيه اﻷلم خايف يصيبه الضر
خايف عزمه يلين وللا يكون مسلوب
انا خايف انا مرعوب
برغم خوفى لسه اﻷمل موجود
وشعاع بيظهر فى الليالى السود
ووعد دايم من اله معبود
عالم وعارف كل اسرار القلوب
خﻻص بقى
منيش خايف وﻻ مرعوب
############################
محمود ناصر
ساحة النقاش