مجلة عشـــاق الشعـــر الإلكترونية (ممدوح حنفي)
اسكندرانى بيدللع ويتعاجب
================
شغلنى الجميل برمش عيونه والحاجب
على شط بحره ماشى عليه بيدللع ويتعاجب
على كتفو الملاية اللف وبدقة الخلخال والكعب
عزفت بالاشعار موال وطلبت منه الوصال والقرب
بطرف منديله شاورلى سالنى قلت ايوه انا عازب
عدى النسيم قدامه داعب شعره اللى كان سايب
وباس ورد خده وطرف عينه سال دمعه بل الهدب
صرحت بعلو الصوت عندك اوعى يا عمنا وحاسب
دا انا راسم واللى ما يعرفه عمره ما صاحب
ولا يوم عرف راجل ولا حس نبض لقلب
واللى ما قرا شعره لا يعرف العشق ولا دقش طعم الحب
صعيدى متاصل ملامحى وسمرة جبينى يا عم فضحانى
الشال على كتفى وعممتى منى تميل بتداعب الحاجب
وان كنت ما عرفتنى اقرا كلامى وبص على الشارب
دا الطيبه والجدعانه والكرم صعيدى والطبع عليه غالب
ضحك الجميل ونادى عليه وقالى بحب
قرب يا راسم دا غيرك انت والله ما انا طالب
يا راسم الحب من عمر مستنيك والقلب فيك دايب
يا اغلا الحبايب رمشك دابحنى والسهم كان صايب
خدنى لطهطا حداك ونبقى عزوه وقرايب
انا قلت بالتو حالا يا نور العيون والقلب
هاروح لابوكى اطلبك واشكر كمان الرب
واكسيك كمان بالحرير واغليك كمان بالدهب
يا بنت الحسب والنسب
حياتى بدونك كرب
بقلم
=== الشاعر \ راسم محمد
ساحة النقاش