مجلة عشـــاق الشعـــر الإلكترونية (ممدوح حنفي)



محمود ناصر

بحبك حقولها بكل اللغات
يايومى اللى عايشه
وامسى اللى فات
يابكره اللى باقى
لساعة الممات

بحبك حقولها
واعيدها يوماتى
داحبك ياغاليه
بينور حياتى
يمسح دموعى
يبدل آهاتى

عايش ياطاهره
ف ضلة سماكى
بادعى لربى
اكسب رضاكى
ويكون لى دايما
نصيب من دعاكى

سامعك تقولى
يستر طريقك
ويفك كربك
يابنى وضيقك
يوسع فى رزقك
يخلى شقيقك

وتشوف وﻻدك
وتفرح عينيك
ودايما ايديهم
تبقى ف ايديك
بيشدو ضهرك
بيحنوا عليك

فاكرانا دايما
وانسيتى حالك
لينا دعاكى
ولينا ابتهالك
خايف بدونهم
تجينا المهالك

يارب انت
تعلم بحالنا
اوهبها صحه
وعمر عشانا
ولو كان نصيبها
يارب جوارك
اجعل مصيرها
الهى لجنه

""""""""""""""""""""""""""""""""""""""""""""""""
محمود ناصر

 

المصدر: مجلة عشـــاق الشعـــر الإلكترونية ( هدى محمد )
mamdouhh

(مجلة عشاق الشعر)(1)(ممدوح حنفي)

  • Currently 0/5 Stars.
  • 1 2 3 4 5
0 تصويتات / 51 مشاهدة
نشرت فى 26 إبريل 2015 بواسطة mamdouhh

ساحة النقاش

(مجلة عشاق الشعر)(1)(ممدوح حنفي)

mamdouhh
مجلة ألكترونية لكل عشاق الكلمه نلتقي لـ نرتقي »

تسجيل الدخول

ابحث

عدد زيارات الموقع

392,182