مجلة عشـــاق الشعـــر الإلكترونية (ممدوح حنفي)
الجزئ الاول .
قصة .
ياسمين والحب القاتل:.
فى يوم شتاء بارد رجعت فاطمة من من الدروس التى تأخذها هى وزميلاتها فى المدينة ،وكانت العشاء قاربت على الاذان،وهى فى الطريق كانت تنظر الى الاشجار والترعة والاراضى الزراعية فى نفس الوقت كانت تستمع لحديث ياسمين وابن عمها احمد الذى يأتى كل يوم اليها ليأخذها .
عند وصول السيارة الى القرية كانا والدا فاطمة وياسمين فى انتظارهما .
وصل وأبو فاطمة ابنته الى البيت وذهب ليصلى العشاء.
دخلت فاطمة البيت بعد خلع حذائها الذى تعلق به الطين ووجدت والدتها تحكى فى التليفون كعادتها.
وعندما دخلت فاطمة نادت عليها جدتها يافاطمة ، وضعت فاطمة شنطتها ودخلت على جدتها وقالت :نعم ياستى .
قالت جدتها :الحقينى هموت من البرد اعملى لى حاجة سخنة اشربها.
قالت فاطمة لها حاضر بس قولى لى هو أبويا قام بأستحمامك انهارده .
قالت الجدة نعم كان الجو دافى وفجاءه الجو برد .
قالت فاطمة :لجدتها أنتى ليه ما بتخلى أمى تقوم باستحمامك .
قالت الجدة أمك مرات ابنى وأبوكى ابنى .
قالت فاطمة : طيب ياستى انتى ما بتكسفى لما أبويا يقوم بأستحمامك.
قالت الجدة كنت بتكسف الاول ولكن ما باليد حيلة أصبحت لا اقدر ان اتحرك ، وابوكى حلف يمين ان امك ماتدخل عليا ولا تعملى حاجة من زمان ، لانه رجع من الشغل وجدنى عاجزه عن تنضيف حجرتى وكنت تعبانه قوى ،وجاء صوت ام فاطمة من الداخل .
قالت:يافاطمة سخنى الاكل عندك فى المطبخ .
قالت فاطمة لها حاضر .
وكملت فاطمة حديثها مع جدتها .
وقالت ياستى أنا هجيب الاكل واجى ااكل هنا بس احكيلى حكاية عيلة ياسمين عايزه اعرف اصل الحكاية .
وذهبت فاطمة لتحضر العشاء لنفسها وتعمل الشاى لجدتها.
وجاءت فاطمة وقالت: هه ياستى قولى لى الحكاية من اولها ،اخذت الجدة الشاى بين يديها .
وقالت الحكاية من زمان كانوا اهلينا بيقولوا انها من ايام اجدادنا القداما .
قالت فاطمة :يعنى ايه ياستى ايام الفراعنة عايزة تقولى كدا .
قالت الجدة اه ايام الفراعنة ،كان فى اخين ايامهم اخ بيكره اخوه وقتله علشان حبيبته.
قالت فاطمة :والطعام فى فمها وسعه دى ياستى ،القصة اللى ايام الفراعنة قصة ايزيس واوزوريس واخوه ست ،وبعدين العيلة دى انتى عارفه شكلهم ايه.
قالت الجدة ايوا ياسمين عنيها خضرة وشعرها اصفر ولونها ابيض زى الوردة وخدودها ورد.
قالت فاطمة : طيب يعنى مش شكل المصريين القداما .
قالت فاطمة: طيب أنا مضطره ابلعها زى ما أنا هبلع الاكل اللى مش مستوى ايه ياامه هو انتى كنتى بتشممى الفرخة السخنية الفرخة ناية.
ردت الجدة وقالت: هى امك من امتى بتسوى اكل يااما محروق ياما مش مستوى حتى اخوكى وابوكى غضبوا على الاكل.
وفجاءه سمعت الجدة وفاطمة صوت خناقة شديدة والام كلعادة فتحت الباب وجريت تشوف الخناقة .
بقلم / كريمة دندش
ساحة النقاش