مجلة عشـــاق الشعـــر الإلكترونية (ممدوح حنفي)
حقيقة ف حلم ( أغنـــيـــة )
===============
ابدأ منين وازاى قولولى
ده الحب كان سبب همومى
عزاللى ياما عليه لامونى
وقالوللى غلطة يحبوا بعض
مشوار وخدته بالتحدى
مع ان كان الكل ضدى
وحبايبى قالوا كتير هاتبكى
كملت مشوارى وضعت
صاحبة وجايباللى الهدية
فى عينيها شوفت الغدر ليا
خليتنى ليه ابقى الضحية
وليه عشانها خسرنا بعض
بتخونى ليه وتحبها
مع انى اجمل منها
وصبرت وياك قبلها
كنا زمان بنحب بعض
مبروك بقولها من كل قلبى
بعدك يكون تكفير لذنبى
سيبتنى وكان غصب عنى
والقدر كان حلم صعب
قصة حياتى قدام عينيا
كانت حقيقة ف حلم ليا
خلصت بنار ومرار هدية
وخيانة ملهاش اى طعم
.......................................
ايمن يوسف احمد يوسف
مصر - بورسعيد
ساحة النقاش