مجلة عشـــاق الشعـــر الإلكترونية (ممدوح حنفي)
(هى كدا)
لف بﻻد الدنيا وشوف
مش حتﻻقى زيها حد
ناس بتصلى يوم الجمعه
وناس تتعبد يوم الحد
هى كدا
سبحان الله سبحان الله
فى قلب الفرحه
بتسمع آه
سبحان الله
هى كدا
عاكس معكوس
واحد محظوظ
واحد منحوس
ايد بتطبطب
شغاله بتروس
هى كدا
عاكس معكوس
تحلف لها وتكدبك
تكدب عليها تصدقك
هى كدا
تزعلك وتطردك
تفرد ايديها تحضنك
هى كدا
تقهرك وتظلمك
وﻻحد غيرها ينصفك
هى كدا
تمد ايدها وتسرقك
وتلف تانى تسلفك
هى كدا
تفركك وتقرقشك
وتدلعك وتهشكك
هى كدا
مش قلتلك هى كدا
قبل ما تنطق
واللا ترد
عاوز اقولك
بص بجد
لف بلاد الدنيا وشوف
مش حتﻻقى زيها حد
هى كدا
ساحة النقاش