أكتبلك إيه ... بقلم : كرم شحات

مجلة عشـــاق الشعـــر الإلكترونية (ممدوح حنفي)

............... أكتبلك إيه .................

أكتبلك إيه 
أو أحكيلك 
عن حالى ياغالية 
بعيد عنك
دا القلب مالوش 
غير يناديلك
والروح والعين
تايهين بعدك

و مفيش غير 
صورتك قدامى
وكلامك 
دا اللى مصبرنى
ع البعد 
وقسوة أيامى
والهجر
بهمه اللى كسرنى

أكتبلك إيه
يا أحن الناس
غير إنك
أغلى وأوفى الناس
وبعيد عن قلبك
وعيونك
قلبى الحيران
محتاج لخلاص

يا أرق ملاك
إمتى تعودى
ليل بُعدك
دبْل لى ورودى
لو ترضى 
بجرحى وحرمانى
من بعدك إيه
يبقى وجودى
البعد دا لأ
مأقدرش عليه
واكتبلك إيه

‫#‏كرم‬ شحات #