**لَمَّا كـُنـتِى صـــــغـَيَّـرَة **كلمات الطبيب الشاعر د. محمد رزق

مجلة عشاق الشعر الإلكترونية. .ممدوح حنفي .

لـَمـَّا كـُنتِى صغيرة
كنت انا زَيِّـك صُغـَيـَّر
وانتِ جوَّا المَـندَرة
شـُفت طيفِك كان منور
-
واتشاقـيت ؛ وحلِمت اشِـدِّك م الضـِّـفِـيرَة
وابقـَى ليكِى أمير ، وتبقـِيلى أميرَة
جُوَّا بيت نبنيه ونِسكـُن فى الجزيرَة
-
كُنـَّا نِـتقابـِل فى حُضن الزرع لـَخضـَر
حِلم واحِد كان جامِعنا ، وكان مِنـَوَّر
والسعادَة كـُل مادا تزيد وتِكـبَر
-
وافتـَرَقنا لـَمَّـا شاب الحلم فِـينا
لـَمَّا سِـبنا الريف وتـُهنا فى المدينة
والسُفـُن تاهِت مارسـيـِت يوم فى مِـينا
-
قـُلنا يامَصر الحَـقِـينا
جوَّا قـَلبـِك واحضـُنـينا
وامـَّا بَـصِّـينا ف عنيها
شـُـفنا دَمعِتها الحَـزينـَة
-
خـُفت مِن بَصِّـتها واتهَـزِّت قلوعى
من يوميها الخوف بـِيـِسكـُن بين ضلوعى
والمعانى الحِـلوَة ضاعِـت من ربوعى
-
والضلام فارد جناحُه ع الليالى
اللى كانت وانتِ جنبى نور يلالِى
بَس وحياتِك ماراحِـت من خيالِى
-
قـُلت أعود يمكِن يعود الحِلم تانى
أو تعود البسمَة تانى للمعانِى
أو تكونى فِى المكان مِسـتـَنـِّيانِى
-
بس ياخسارة لقيت المَندَرَة
اللى كانِت وانتِ فيها منـَوَّرَة
فيها واحدة تانية غيرك
بـِنت لِسَّه صغـَيَّرَة