مجلة عشـــاق الشعـــر الإلكترونية (ممدوح حنفي)
حيرتنى
زجل للدكتور | عبدالله منصور
_________________
حبيبى حيرتنى.........خليتنى ما اعرفشى
ايه اللى اعملولك...........وايه مايتعملشى
فى قلبى رصفتلك......سكة عليها تمشى
على جفنى نصبتلك..دكة فى ضل رمشى
ورغم كل دا .......... ..عايز تهد عشى ؟؟
اناطول عمرى شارى....ليه مستعد تبيعنى
يامه عقلى نصحنى.........وقلبى.. يمنعنى
انا اسير لحبك ...حقيقى ....بس اسمعنى
: انا بانذرك .... وباحذرك........ لو تضيعنى
حييجى يوم وتبكى ........علشان ترجعنى
وساعتها..مش حاسمعك ولا اعبر او اهتم
ان كنت حديد فى دمى..حاعيش بفقر دم
وان كنت اوكسيجينى ماعدش عندى يهم
مافيش لحبك دوا؟؟..والعيشة هوان وهم !
دانااموت وانا بكرامتى.....انا كرامتى اهم
الاسكندرية 1979
ساحة النقاش