مجلة عشـــاق الشعـــر الإلكترونية (ممدوح حنفي)
.......................... الدنيا متستاهلش .............................
...........................................................................
الدنيا متستاهلش تفكر فيها
ولا تشغل بالك بمعانيها
عيشها بميتها وعطشها
وحاسب لا تتوه في حواريها
الدنيا متســاويش قله
ولا حتي كفت البـصله
ياللي عايش في غفلة
نام وإتغطي ومتحلمش بيها
واخداك علي ايه
مظاهرها كدابه
ما بتسترش قلابه
وأستعبر من اللي قبلك
وخد بالك من أهلك
وعد صوابعك لو سلمت عليها
مشوارها مزهزه بالأشواك
عطرها يشجيك كبرياء
تطير في السما بلوونه
وتتوهم حواليك الأضواء
وقصور وسرايات مسكونه
حاسب ومتستسلمش ليها
تنسي الواقع وتعيش منفووخ
شايف البشر ذرات
والايام أسرع من الصاروخ
لامال ولا جاه ينفع ولا اهات
أمالها وهم وسراب
جمالها هم وعذاب
تغرك وماتسرك
وإياك والحساب
اديها ضهرك ما تغشك
ولوشافت وشك عيش بلاويها
متستاهلش الإهتمام
ولا تكون لينا إمام
ولا تعظيم سلام
ولا تغرك دموعها ولا كمان تبكيها
...................................................................
............. كلمات / حسـن الشـوان.. موثقة.........
ساحة النقاش