مجلة عشـــاق الشعـــر الإلكترونية (ممدوح حنفي)
يا عمرى .. مهما عمرى يطول
باعشق صوتها وسكوتها . وباعشق برضه ضحكتها . وعاشق كل حركاتها . وحاسس حتى لمساتها .بعيده عنى لكن قلبى هناك فيها . فى وسط روموشها وعتيها .فى لمسة إيدى لإيديها . فى كلمه .. أقولها تتبسم
فى نظرة عينى لعنيها . فى ضحكه على شفايفها . فاكرها كأنى شايفها . فى ورده على الخدود حلوه . فى كلمه .. احلى من غنوه . فى لمسه جات كدا فجأه . فى ضمه كانت ليها مفاجأه . فى مشوار كنا فيه مع بعض . وكانت طايره بينا الأرض . وطريقنا كان جناين ورد . ساعتها ماكنتش أسمع حد . غير هماستها أو صوتها . وكنت أسمع أوى سكوتها . وأمسك إيدها على سهوه . وتضحكلى ... وأقولها إنى حبيتها
وتندهلى ... تقولى يا روحى حييتك
ونفسى أكون بقى فى بيتك
عشان نفضل سوا علاطول
أرد عليها ..هوا انا اطول
يا ماليه عليا دنيايا
يا عايشه فى قلبى ومعايا
يا عمرى .. مهما عمرى يطول
يا عمرى .. مهما عمرى يطول
الشاعر
محمد حسين الزين
ساحة النقاش