مجلة عشـــاق الشعـــر الإلكترونية (ممدوح حنفي)
............وحلمت أنى ميت ....... عامى حر ...... بقلمى عبدالواحد محمد
وحلمت أنى موت والدنيا قلابه
عمله ليها وشين ملك مع كتابه
شفت فمنامى الموت لكن صحيح عايش
وبحكى ليكم الحلم وحياتى مش دايمه
ماحنا مسرنا لزوال وكلنا حنمشى
ومأل جسدنا التراب وراحه من الغابه
,,,,,,,,,,,,,,,,,,,,,,,,,,,,,,,,,,,,,,,,,,,,,,
الأهل أتلمو والصحبه والخلان
وعديد على موتى وأتعددت الأخبار
واحد يقول عيان والتانى كان سكران
والتالت قال ريحيا وراح على النسيان
واحد يقول أرتاح والتانى قال سواح
والتالت قال فارقنا كليل وجاى صباح
الأهل فارقونى وياما عيرونى
ده كان فقير غلبان ولا حلتهوش حاجه
جابو كفن أبيض والميه أتغسل
وخلصو الحسبه بالميلم وبالسحتوت
وخدونى ع الجامع علشان يصلو عليه
نطق الأمام بثبات واحد يشيل الدين
الكل أتهرب وكأنهم جهلين عملو ماهومش سمعين
قالو ليه رب كريم ومين يشيل عنو ومعندهوش مليم
الشيخ قال ورثو قالو هدمتين دايبين
طيب وفين ولده قالو ملوش ده عقيم
شق الصوف واحد طيب من أهل الخير
أنا أشيل عنو ودينو يطلع أيه ياساده أصله فقير
يمكن سالف رغفين أو حتى هدمه ستر ه
يدارى بيها البدن المولى ليه معين
وصلو على جسدى وحملونى على المثوى
وسط التراب وضعو جسدى وكام دمعه
مسلسل من الأحداث وأخرتها ولا كلمه
حتى الدموع تمثيل والزفه والمه
وبعد وقت بسيط صحيت من الغفله
عرفت مقدارى فدنيتى المره
فقير وكمان معدوم فدنيا بلا رحمه
ولا أهل ولا خلان لا واد ولا بسمه
ولا حد ياخد عزايه أو يبعت لى رحمه
رحال وعشت غريب وخرجت بالكلمه
وصحيت ياناس ملهوف ومالى قلبى مليه الخوف
وحكيت على حلمى بالأسى والدمعه
كدبه وعشناها وأسمها الدنيا
,,,,,,,,,,,,,,,,,,,,,,,,,,,,,,,,,,,,,,,,,,,,,,
كلمات الشاعر
عبدالواحد محمد
ساحة النقاش