مجلة عشاق الشعر الإلكترونية. .ممدوح حنفي
الحقد مالى الناس
والصدق ملوش أساس
ومعدش فيه إحساس
ولازم أدوق الكاس
كاس من عذاب ومرار
ومعدش فيه أختيار
وحبيب صار غدار
وقلبه بقى والع نار
وعامل إنه ملاك
وعنده كتير أملاك
تحس إنه حبيبك
وفى الواقع هو هلاك
مستكتر النعمه على غيره
والغدر بات فى ضميره
لا حبب حد فيه
ولا عشش على طيره
أصبر يا قلبى عليه
وبأيدك تعمل أيه
وأوعى تفكر فيه
أو حتى تبكى عليه
أبعد وسيب له الطريق
مينفعش يبقى صديق
واللى كنت فاكره رفيق
باعك فى وقت الضيق
أبعد عن سكته
وأنسى قسوته
لا شفت محبته
ولا يوم حنيته
العمر عشته عذاب
ومعدش فيه أصحاب
ودا أسمى فى الكتاب
غريب ما بين أحباب
ساحة النقاش