مجلة عشـــاق الشعـــر الإلكترونية (ممدوح حنفي)
(رقم واحد)
طبع ساكن جوايا
بقاله سنين
محبش اكون ف القايمه
برقم اتنين
رقم واحد بيسعدنى
يسر العين
لكن اتنين بيزودنى
الم وانين
فى اول سطر سجلتك
رقم واحد
فى نن عينى سكنتك
واديك قاعد
فارد ف قلبى سجادتك
راكع ساجد
بتدبحنى بسكينتك
ظالم جاحد
قلبك عليا مستعفى
ما برحمنيش
وتعصر قلبى وتصفى
متسألنيش
تدينى ميعاد وﻻ توفى
تروح متجيش
تعالى معايا وف صفى
لجل اعيش
متحرمنيش من حبك
يانور العين
متبعدنيش عن قلبك
طريقك فين
انا اتمنى اكون جنبك
بقالى سنين
رقم واحد معاه اسمك
وليه اسمى
يكون اتنين
-----------------------------------------------------------------------------'---
محمود ناصر
ساحة النقاش