مجلة عشـــاق الشعـــر الإلكترونية (ممدوح حنفي)
فاكرك ياأمي وجوة
روحي ... ملكة بجداره ...
كنتي عايشة في زمن الأصول
...زمن الأماره ..
والملاية اللف والبرقع والمشبك
على وشك يتدارى ..
من سحر العيون والوجة الجميل
.. وصوت البكاري ..
وعودك يدندن في كل خطوة..
والعيون عليكي حيارى..
وكان جمالك .. يفوق جمال
ملوك الجمال ياميت خساره..
ياريت في جمال بيدوم ..
ياأم الخير والأصل .. والشطاره...
والشخصية القوية والعيون ..
والكلمة بحكمة توزن مليون عماره..
في المجالس كنتي الحكم ..
وكلمتك معنى وإشاره..
والحكم ليكي .. في النهاية ..
ينصلح حال كل جاره ..
وبلهفتك ديما ليلاتي ..
بتقوينا في ليل .. السهارى ..
والحضن اللي يدفي ..
ويعفي ويا ملكة ليها حضاره ..
وكل يوم ليكي شغل..
ونظام بهمة ومعاة ..مهاره ..
عارفة الحياة ..والدنيا
وأخرتها .. بفن وباءداره ....
يسبق كلامك بالصلاة على النبي ..
نبع الطهاره ..
وذكر الله بالتوحيد وبصفاتة ..
ونوره ويا أسراره ..
كل شيء كان طوع عنيكي ..
وف إديكي نور ومناره ..
كنت أشم ريحة طبيخك ..
ياأمي في روحك من سابع حاره..
وحلاوة اللقمة اللي عمري ..
ماأنساها .. بقولها بمراره ..
من بعدك البركة راحت ..
معاكي وسبتنا ..سهارى ..
ياأم الخير ولا يوم يعوضنا بهجة أمان ..
نور البدارى .. ...... ........ شعر |محمود القطوعي .
لاقلبي يهدى .. ولانفس ترضى
ياللي حنانك دوب حجاره..
رحمة من الله وغفرانة ليكى ..
ولكل أم في كل شارع وف كل حاره ...
ساحة النقاش