مجلة عشـــاق الشعـــر الإلكترونية (ممدوح حنفي)
تايه فى دنيا العشاق
اللى يقول اصبر
واللى يقولى اشتاق
والحلم فرش حصيره
جه منى و نام
من ساعةالوداع
فى ليل طويل اطول من ليل طوبة
مستنى طلوع الفجر
اللى غايب من يوم الفراق
مسكين بيحلم باللقا
عشان سمعها بتقول راجعة
نام ولا صحيش
مع ان البنت مش جاية
مالهاش ف الليل رجعة
ولا ف الفجر
سافرت لاخر الكون
والليل بعتمته بيتمخطر
والحلم لساه بيستنظر
وما فيش ف يده ولا شىء
وما فيش ف جسمه ريش
ولا جناح
عشان يطير لاخر الكون
يا يرجع بالبنت
يا اما ما يجيش
الشاعر عبد الله الهوارى قنا قوص جرا جوس
ساحة النقاش