أمّـــي ... بقلم : عدنان خليفة

مجلة عشـــاق الشعـــر الإلكترونية (ممدوح حنفي)

أمّي
شوكعيت تا عبّر قدّيشس بحبّها
ويا ريت بقدر إفرش ورد عادربها
و يا ريت برجع كون طفل صغير
وياريت عيش العمر كلّه بقربها
هيّ أعطتني الحبّ وأيّام الهنا
معقول كون بلا وفاء و ما حبّها
هيّ نجوم الدني بترخص لها
والكون عا وسعه مش أكبر من قلبها
أمّي يا ليت بعد شي مرّة نلتقى
و يا ليت كلّ الناس يكونوا مثلها
أمّي يا حلم و طار و ما بيرجع بقى
و سنين عمري بعدها راحوا بعزقة
حتّى عيوني دابوا من كتر الحنين
وقلبي كان ينبض صار يطرطق طرطقة
إنتِ الوحيدة كنتي إلي كلّ الدني
و بعدك يا أمّي كلّ الناس ريشة بالهوا
بيتبادلوا هدايا و بالفرح طايرين
وأنا بعدك حتّى من الميّ مش عمبرتوى
محتار شو قلّك بعيد الأم والصبر العظيم
لكن شو نفع الحكي وإنتِ صرتي بالسما