مجلة عشـاق الشعـر الإلكترونية .. ممـدوح حـنفي
فى الغربة
قرب ياليل أحكيلك
ع اللى بيوجعنى
هحكى بصوت واطى
ونفسى تسمعنى
فى الغربة ليه تطول
فايت حبايب قلبى
وسايب كمان أهلى
وجى تظلمنى
...............................
بحلم يوماتى بالوطن
والصحبه واللمه
بحلم بحضن الأهل
والخاله والعمه
تيجى تزود فى الأسا
وتجرح جراح يدوب لمه
...............................
ولما أقولك ياليل
بالراحه تقولى بالذمه
قانون الغربه كده
اتعود ياأبو الرجاله
ع الصبر والهمه
................................
بحلف أبوسك ياوطن
بوسه من خدك
ويوم ما أرجع
وأدوس أرضك
هسجد لرب النعم
وأحلف ماأعود تانى
وأموت فدا أرضك
............................... بلال سلامه
ساحة النقاش