مجلة عشاق الشعر الالكترونيه .. ممدوح حنفي
انا اللى فرحى دايما مرفوع
مع انه مش مبتدأ
ومن يوم ما عمرى أبتدأ
اتكسر من الدموع
مع انها مش حرف جر
انا المسجون علطول
جو كلمه حر
انا المضاف اليه دايما
مر
والسر
زى يونس ف بطن الحوت
انا المنعوت بصفه ميت
جوا تابوت
انا المفعول ومنصوب
عليه بشجر التوت
ولما الحال يبقى الموت
من سكوت
اتحول فاعل مرفوع
بضم الحزن ضم
والاهم
ان عمرى ساعتها
تبقى حالة سكونه
هم
ويقف به الزمن
ويتحول لظرف زمان
منصوب بالفتح
يفتكر كل اللى كان
ويبكى من كل جرح
انا الفاعل ف كل جمله
متكتبتش
انا المضاف اليه
كل حاجه متعملتش
ساحة النقاش