<!--<!--<!--[if gte mso 10]> <style> /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0in 5.4pt 0in 5.4pt; mso-para-margin:0in; mso-para-margin-bottom:.0001pt; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-fareast-font-family:"Times New Roman"; mso-fareast-theme-font:minor-fareast; mso-hansi-font-family:Calibri; mso-hansi-theme-font:minor-latin; mso-bidi-font-family:Arial; mso-bidi-theme-font:minor-bidi;} </style> <![endif]-->
انا ياللى انت نسيت
ــ انا
واد الارض السمرا
والجميزة الحمرا
والبيت اللى خد فيه الزمان
وعطى
واد الندى النايم على نوّارة الفول
ابويا الغول
اللى ياما شاف اهوال
ولا مرة شكى
واد القيالة الصهد
والضليلة البرد
والنّهر العشرى الحكّاى
واد الزمن النايم فى مغارة قديمة
واد الزمن الجاى
وانا
وحمة امى على رسماية المعبد
وانا فلاح شقيان عمره مايهمد
وانا نفخة عرق ابويا
وهو ّ ع يعزق
وانا عرقه المتكوّم ع الطورية
وانا نفسه الحامى
وهو ع يكسر فى الصوّان
وانا طعم الافيونة ف عز الاحزان
وانا نخلة طويلة وسط الغيطان
وانا التقيل تقل الجبل
وانا ايوب الصبور
اللى ع يبذر البذرة
ويستنا بشايرها شهور
وانا وش ع يشّع ع الكون طيابة
وانا اللى اول ما يزعل
ع يبقا ريح قلاّبة
ف اوعا تبص لى بطرف عين
واوعا تحسبنى واحد من الغلابة
واول ماتسمع صهيل فرسى
تفز تقوم
تقف انتباه
وماتنساش انى فى يوم
وهبت لك الحياة
حوّلت لك نهرى
عشان ماتبقا اخضر
وطيت عشان اخوى يكبر
حرمت نفسى اللقمة
وشبّعتك
وانا
ــ ياللى انت نسيت ــ
كنت لك سندك
وكنت لك اهلك
وكنت الحامى
والحارس
كنت دايما الفارس
كنت قمرى ع يغنّى
ونوارس
كنت بندقية فى ايد عمك
وكنت عارف قلة اصلك
بس عشان العدا ماتفرحش فينا
كنت ع نوالس
مش زيّك
اول ما اتطوّر اتهوّر
وبدال مايضر عدوه
هوّ اتعوّر !!!!
لا
داانا اول طبعة رجل فوق الارض
والكلمة الفاصلة ف ايها حرب
والنهر اللى ع يحضن مطر الرب
والايد اللى ع تكسر فى الصلب
وانا
اول حدوتة حب
وانا العطر لمّا يفج
والشمس لمّا تشد
والخطوة لمّا تمد
والبنوتة الحلوة لمّا تجرى بخفة
على عشب الكون
وانا العاقل
خالص
خالص
خالص
وانا المجنون
وانا ملح الكلمة اللى تشدك
وانا قبل ماتولد
كان جدّى
ع يغيّر فى طبيعة ارضك
وانا
موتى وسمّى الغدر
عشان انا
أمى الارض السمرا
وابويا النهر
مش زيّك
امك حفنة رملة
وابوك
وكر ديابة !!!!
شبه
ــ ياللى عمّال بتسأل
مصر تشبه تونس ؟
خد الاجابة منّى
انا اللى بافطر فول
وباتغدا فول
وباتعشّا فول
وباتعذّب عرض
وطول
وبانام وانا واقف ..
انا المرعوب
وخايف
وانا اللى باتشعبط
يوماتى فى الاتوبيس
وانا اللى لسه بيعرق
وبيدوخ فى طابور العيش
وانا اللى لسه ف خدّى
أثر نومة الرصيف
ولسه ف مناخيرى
ريحة الرصيف
وريحة نوم الحصر ..
خدها كلمة منى
مصر هى تونس
وتونس هى مصر !!!
ــ وعشان هنا مفيش
لاخيار ولا فقوس
ولا قرع ولاكوسة
ولا حد من الاكابر
طيّرالنوابغ
ووظّف قرايبه
وكلبته
والجاموسة
وعشان هنا مفيش
كوسة
ولا بقدونس
يبقا صدقوهم
مصر مش زى تونس ؟؟؟؟
ــ هناك تلقى (جربا)
هنا مفيش الشرم
هناك تلقى السلخ
هنا مفيش تعذيب
ولاذل
ولافرم
ولاسحل
ولاعصر
ولا الاف تتفحّم
ياسيدى جوة القطر
ولا فيه كمان أموات
راحوا فى العبّارات
ولا فيه كمان بشر
بيعصروهم عصر ..
عشان كده صدّقوهم
تونس مش زى مصر !!!!!
ــ مفيش عندنا كريمة
ولا فيه مهلّبية
ولامسك امورنا
شوية حرامية
مصوّّا دم البلد
واغتصبوا الصبية
واستعرصونا جميعا
م الغردقة ل اسكندرية
واللى يغيظك اكتر
بيحملونا كهربتهم
والمية
والضرايب
وساعة التقسيمة
ياخدوا أحسن نايب
ياخدوا الحتة اللى هىّ
ولو حد اتكلم
يصدّروا الامير
قدام مننا شماعة
ويرمونا ف مجاعة
واللى يفتح بقه
يكسروله دماغه
ويعصروه عصر
ولمّا الدنيا تليّل
يشربولهم كاس
فى صحة شعب داخ
عملوه زى الفراخ
اللى حطوّها ف قفص
وهزهزتها العصابة
يا شعب رخوا اعصابه
وكسروله ضهره
ومناخيره كسر..
مصرزى تونس
وتونس هىّ مصر!!!
ــ الغاز مش لليهودى
واحنا مالناش حطب
والجولف
والسواحل
مش للى هايطيروا على جدة
اما كل الاحبة
مالهمش فى الرصيف
ولا ليهم فى التعب
يابلاد مش غريبة
لا هى طردت موسى
ولا حضنت ابولهب
انا ماذهقتش منك
ولا بقيت فى كل ثانية
باموت من الاندهاش
ولا بقيت كمان
باموت من العجب !!
ولا ماسك فى الحياة
بخيط اسمه الصبر
مصر
هى تونس
ولاّ
تونس مصر؟!
الخوف
ــ لو تاكّلنى من لحم كتافك
وبعدين
فى سجن الخوف تحبسنى
يبقا هاتخسر
دا الكلب
ابن الكلب
لو فى قصرك المرمر
تحبسه
وبعدين تطلّعه
هاتلاقيه يسعر !!!!
الشاعر
ــ الشاعر فى بلاد برة
يتفنّن
ويتجنن
ويراجع الحرف تلتمية مرة..
يحس بدمعة النملة
وابتسامة الفيل
ويعبر عن الحياة
جارحة
أو مرّة
الشاعر فى بلاد برّة
غير الشاعر فى بلاد النيل
اللى يلزمه حبة فهلوة
على تمثيل
اللى يبقا لسه راجع من مارينا
ويقولك :
لسه خارج من الاعتقال..
اللى يبقا عايش فى شبرد
ويقولك :
انا غلبان يا خال..
الشاعر فى بلدنا
نصه نصب
والنص احتيال ..
مش موهبة
ولا حتى محاولة ..
الشاعر فى بلدنا
لازم يبقا قرداتى جوة طاولة
ولازمه ختم
أمن
دولة !!!!!
المشى على الوتر
ــ ان عرّيت نفسك
ومشيت
عكس الشارع ..
هايقولوا لاسع !!
ــ وان غرّقت روحك بنزين
وولعت النار
هايقولوا :
الكلب الكافر غار !!
ف غمّض عينيك
وسد مناخيرك
وكل دخان
واشرب خيار
وامشى على وتر الجيتار
وخدلك كاس
فى صحة اللى ثبتوّا الاسعار
وياريت تغنى للى خربوها
واللى رهنوها ف صالات القمار:
باحبك ياحمار
باحبك ياحمار
تحصيل حاصل
ــ البت
اللى عارفه
ان بين الانوثة والرجولة
حد فاصل ..
ــ البت
المؤمنة بالعشق
واللى بتخلّى حبل الود
بينها
وبين الحبيب
تملى واصل ..
ــ البت
اللى شايفة
ان الرجولة مش عرض وطول
وشنبات
وقوة فى التناسل ..
ــ البت
اللى عاشت العمر
تغنى للمحبة
لمّا اتهزت صورة حبيبها ف عنيها
عاشت الدنيا
تبيع هوى
وعاشتها يا خسارة
تحصيل حاصل !!!!!!
نعمل ايه ؟!
ان قلنا : لا
يضيق علينا الوطن
ان قلنا : اه
مانلاقيش الكفن
طب قولولنا نعمل ايه
فى زمن
بركت فيه الجمال
واتخرمت فيه السفن ؟
انا عايش يتيم
ــ مصر هىّ أمى
بس أمى تعبت
وابوياعليها اتجوز
وانا عايش يتيم
لا جنية
ولا مليم
ولا عم ولا خال
يا حكومة رجال أعمال
ووزرا
واعضاء
الشعب ليكم داء
ف اطردوه برة
انا عايش فترة مرّة
ابويا فى المبرة
ومراته خانقانى
ف ربنا يخليكم
يا تريحونى منها
يا تعالجولى ابوى
يا ترجعولى امى
وانا هعالجها
من الداء اللى صابها
ومن حالها اللى مال
بسبب ميكروب
اسمه
رجال أعمال
مصر
البت
الطعمة قوى
الحلوة قوى
اللى عليها يسيل الريق
اللى همسة منها
ع تقيد فى قلب الخلق حريق
اللى الكون كله ع ينوّر
اول ما تبص بطرف عيونها
من شباك القصر ..
البت
الطعمة قوى
اللى ملامحها تشبه مصر
حبها واد صعيدى
وف حبها
قلبه اتعصر عصر
البت
اللى ملامحها تشبه مصر
غار عليها
وعشان عينيها
هبش فى كل الخلق هبش
لحد ماوقف ع الحديدة
فاستلمها واد حدق
دلّعها
وشخلعها
ولبسها احلى جيبه
لحد مابقيت قمر
لكن القدر
ياألف خسارة
بشره بشر
ف استلمها واحد
ــ لامؤاخذة ــ
س
ر
ح
ها !!!!!!
احلام الغلابة
ــ بنحلم بحتة ضلة
وكوز ميه
ولقمة
وشفطة شاى
وحيطة تدارينا من سقيع طوبة ..
ماتستغربش
ماهى احلام الغلابة
مابتزيدشى عن الستر
فى الازمنة السوده !!!!!!
بتوع غانا
ــ بتوع غانا
اللى ساكنين فى التالت
بيدفعوا زيّّى
سلم
وصيانة
ومية
وكهربا
وأجرة البواب ..
وبيدفعوا ايجارهم كل اول شهر
وان ما دفعوش
مفيش مشكلة
ماهو المالك فاتح لهم حساب ..
بتوع غانا
بيرفعوا رجليهم للمالك كل خميس
ما ارفعشى انا كمان زيّهم رجليا
عشان تبقا
العيشة ع الطبطاب !!!!
دوّر وشه
ــ بعد العشرة
بعد الجيرة
بعد ماكنا لبعض جبيرة
بعد ما طلنا الشمس سوا
بعد ماكنا لبعض هوا
بعد ما فديته
وفدانى
بعد ماكنت لحاف للبرد
بعد ماكان لى شبهى التانى
الاكتر قرب ..
بعد ماكنا مثال فى الحب
ينام
واسهر
ويسهر
وانام
دوّروشه الناحية التانية
وعدّى عليا
ماقالشى سلام !!!
ــ ولا اتبسّم لى زى العادة
ولا قالى : عوافى
ولا قالى تمام
ولا اتربّع معايا ع الارض
ولا ولّعنا سيجارة من بعض
ولا شرب الشاى
ولا قال : يا سلام
ولا موّتنا كلاب السيجة
ولا جمعتنا تنهيدة
ولا سرقتنا الاحلام ..
وبعد ماكنا مثال فى الحب
ينام
واسهر
ويسهر
وانام
دوّروشه الناحية التانية
وعدّى عليا
وماقالشى سلام !!!
ــ ولا قالى :خد
ولا قالى : هات
ولا رقص معايا رقصة رمضان
ولا اتحنجلنا لبرمهات
ساب كباية شايه تبرد
وماخدشى الشمس للخال
ولا ضحّك بنتى زى العادة
ولاطّلع من جيبه ريال
ساب البنت كده بتستغرب
وتقول :
ايه اللى بدّل الاحوال ؟!
ايه اللى زعّله منك
وخلّى مفيش مابينكو كلام
وبعد ماكنتوا مثل فى الحب
ينام
وتسهر
ويسهر
وتنام
دوّروشه الناحية التانية
وعدّى علينا
وماقالشى سلام ؟!!!!
الحج
ــ اذا كان الحج
زى كل شىء فى البلد
عايز زقّة ..
وعايز محسوبيات
ووسايط
وفلوس تترش فى الصفقة ..
يبقا ماتزعلوش منّى
لو سألتونى:
عايز تحّج ؟
وقلت انا : لآأأأأأأأأأأأأه ..
ثورة
ــ الاحتياج صرخة
لكن العز جلابية
ف اتباهى انك فوق
وانا هادارى الغضب
والجوع اللى فىّ
وماتسمعش صوت النار
اللى جواى
ولا رعدة الجوع فى حشاى
وماتزعلش
لو فى غمضة عين
لقيت روحك
مدبوحة تحتيّه !!!!!
بنّى
انا
قتال قتله
وروحى عاشقة للدم
والطغيان..
وانا
اللى ع يشر الدم من بين ايديه
ع البرسيم
وع الرمّان ..
تصوروا
بعد ما اطوف
واشوف
وامرمغ راسى
تحت تراب الحجر لاسود
وف صحن الكعبة
وفى الاركان ..
تصوروا
ماقدرتش ارمى السبع جمرات
وكل ما امسك حصواية
وارميها
اسمع الشيطان يقولى :
حاسب
استنا
هاتقتلنى
هاتقتل نفسك
وهاتدوق الحسرة
والاحزان ..
ف ارجع من الحج
لا جمرات رميت
ولا قدرت اكون انسان !!!
حرمان
ياسيدى
ياللى ع تفطر
شاى متلج
ولحم ساقع
ولحم مشوى
ولحم ماحناش عارفينه ..
وحياتك انت
وغلاوتك انت
ارمى لى حتّة
داانا لى ّشهر
اى والله شهر
ع اغمّس العيش بالفينو !!
شكلى
شكلى شكلك
وصوتى صوتك
انا اللى شفت النور
لمّا اتولدت
واندهشت لمّا رأيتك
انا شبهك
وصورتى معلقة فى قلب بيتك
وروحنا حست الحياة مع بعض
وهانسيب نفس الاثر ع الارض
واول ما هاتطلع روحى منّى
هايعلنوا ف لحظتها موتك
شكلى
شكلك
صوتى
صوتك
ف بدّل الادواردى مرة
وعيّشنى ف نعيمك
عشان تلقانى جنبك
وقت موتك ..
راحت فين المحنة ؟!
ــ جعان
وانتى صدرك
بينتر اللبن
ووشى صفّر خالص
ورجلى بقيت عبل
وعضمى شق جلدى
وروحى مش طايقة السكن
جعان وانتى صدرك
بينتر اللبن !!
ــ طب مش كفاية توهتى
من دراع لدراع؟!
طب مش كفاية انك
رضعّتينى الصباع؟!
طب مش كفاية انك
كفّرتينى بيكى
ومزقتى الشراع
وخلتينى اتمرمغ
فى الوحل
والضياع
وادوش ع الشوك
وامشى
واغزل الكفن؟!
جعان
وانتى صدرك
بينتر اللبن !!
ــ باطوّح ايدى يمكن
مرّة اطول النهد
القاكى ف كل مرّة
أقسى م الحجر الصلب
ياريحة الجناين
لما تنوّر فى مارس
ليه شتاكى قارص؟!
وليه حرامية الجناين
تدّيهم البشاير
وليه انا اللى عاشقك
تدّينى العفن ؟!
جعان
وانتى صدرك
بينتر اللبن !!
ــ يا ام الصدر الحنيّن
أحنّ من الوسادة
تفطمينى ليه
بدرى قبل الولادة ؟!
قبل ما تطلع لى سنة؟!
راحت فين المحنة؟!
ولا انتى بدّلتى قلبك
بقلوب المكن ؟!
جعان
وانتى صدرك
بينتر اللبن !!
عشق
ياريحة
السيجارة اللف
يا بت بيضا
فى الملاية اللف
يا حلمة عفية فى صدر الكون
عسلها على السحاب
سال
وطبع
وشف
باحبك
وهافضل احبك
حتى لو بقيت هيكل
او اتحرقت
زى العامود الجاف ..
<!--<!--[if gte mso 9]><xml> <w:LatentStyles DefLockedState="false" DefUnhideWhenUsed="true" DefSemiHidden="true" DefQFormat="false" DefPriority="99" LatentStyleCount="267"> <w:LsdException Locked="false" Priority="0" SemiHidden="false" UnhideWhenUsed="false" QFormat="true" Name="Normal" /> <w:LsdException Locked="false" Priority="9" SemiHidden="false" UnhideWhenUsed="false" QFormat="true" Name="heading 1" /> <w:LsdException Locked="false" Priority="9" QFormat="true" Name="heading 2" /> <w:LsdException Locked="false" Priority="9" QFormat="true" Name="heading 3" /> <w:LsdException Locked="false" Priority="9" QFormat="true" Name="heading 4" /> <w:LsdException Locked="false" Priority="9" QFormat="true" Name="heading 5" /> <w:LsdException Locked="false" Priority="9" QFormat="true" Name="heading 6" /> <w:LsdException Locked="false" Priority="9" QFormat="true" Name="heading 7" /> <w:LsdException Locked="false" Priority="9" QFormat="true" Name="heading 8" /> <w:LsdException Locked="false" Priority="9" QFormat="true" Name="heading 9" /> <w:LsdException Locked="false" Priority="39" Name="toc 1" /> <w:LsdException Locked="false" Priority="39" Name="toc 2" /> <w:LsdException Locked="false" Priority="39" Name="toc 3" /> <w:LsdException Locked="false" Priority="39" Name="toc 4" /> <w:LsdException Locked="false" Priority="39" Name="toc 5" /> <w:LsdException Locked="false" Priority="39" Name="toc 6" /> <w:LsdException Locked="false" Priority="39" Name="toc 7" /> <w:LsdException Locked="false" Priority="39" Name="toc 8" /> <w:LsdException Locked="false" Priority="39" Name="toc 9" /> <w:LsdException Locked="false" Priority="35" QFormat="true" Name="caption" /> <w:LsdException Locked="false" Priority="10" SemiHidden="false" UnhideWhenUsed="false" QFormat="true" Name="Title" /> <w:LsdException Locked="false" Priority="1" Name="Default Paragraph Font" /> <w:LsdException Locked="false" Priority="11" SemiHidden="false" UnhideWhenUsed="false" QFormat="true" Name="Subtitle" /> <w:LsdException Locked="false" Priority="0" Name="Hyperlink" /> <w:LsdException Locked="false" Priority="22" SemiHidden="false" UnhideWhenUsed="false" QFormat="true" Name="Strong" /> <w:LsdException Locked="false" Priority="20" SemiHidden="false" UnhideWhenUsed="false" QFormat="true" Name="Emphasis" /> <w:LsdException Locked="false" Priority="0" Name="No List" /> <w:LsdException Locked="false" Priority="59" SemiHidden="false" UnhideWhenUsed="false" Name="Table Grid" /> <w:LsdException Locked="false" UnhideWhenUsed="false" Name="Placeholder Text" /> <w:LsdException Locked="false" Priority="1" SemiHidden="false" UnhideWhenUsed="false" QFormat="true" Name="No Spacing" /> <w:LsdException Locked="false" Priority="60" SemiHidden="false" UnhideWhenUsed="false" Name="Light Shading" /> <w:LsdException Locked="false" Priority="61" SemiHidden="false" UnhideWhenUsed="false" Name="Light List" /> <w:LsdException Locked="false" Priority="62" SemiHidden="false" UnhideWhenUsed="false" Name="Light Grid" /> <w:LsdException Locked="false" Priority="63" SemiHidden="false" UnhideWhenUsed="false" Name="Medium Shading 1" /> <w:LsdException Locked="false" Priority="64" SemiHidden="false" UnhideWhenUsed="false" Name="Medium Shading 2" /> <w:LsdException Locked="false" Priority="65" SemiHidden="false" UnhideWhenUsed="false" Name="Medium List 1" /> <w:LsdException Locked="false" Priority="66" SemiHidden="false" UnhideWhenUsed="false" Name="Medium List 2" /> <w:LsdException Locked="false" Priority="67" SemiHidden="false" UnhideWhenUsed="false" Name="Medium Grid 1" /> <w:LsdException Locked="false" Priority="68" SemiHidden="false" UnhideWhenUsed="false" Name="Medium Grid 2" /> <w:LsdException Locked="false" Priority="69" SemiHidden="false" UnhideWhenUsed="false" Name="Medium Grid 3" /> <w:LsdException Locked="false" Priority="70" SemiHidden="false" UnhideWhenUsed="false" Name="Dark List" /> <w:LsdException Locked="false" Priority="71" SemiHidden="false" UnhideWhenUsed="false" Name="Colorful Shading" /> <w:LsdException Locked="false" Priority="72" SemiHidden="false" UnhideWhenUsed="false" Name="Colorful List" /> <w:LsdException Locked="false" Priority="73" SemiHidden="false" UnhideWhenUsed="false" Name="Colorful Grid" /> <w:LsdException Locked="false" Priority="60" SemiHidden="false" UnhideWhenUsed="false" Name="Light Shading Accent 1" /> <w:LsdException Locked="false" Priority="61" SemiHidden="false" UnhideWhenUsed="false" Name="Light List Accent 1" /> <w:LsdException Locked="false" Priority="62" SemiHidden="false" UnhideWhenUsed="false" Name="Light Grid Accent 1" /> <w:LsdException Locked="false" Priority="63" SemiHidden="false" UnhideWhenUsed="false" Name="Medium Shading 1 Accent 1" /> <w:LsdException Locked="false" Priority="64" SemiHidden="false" UnhideWhenUsed="false" Name="Medium Shading 2
