الكاتب والسيناريست الكبير خالد السيد علي

(موقع قراء ومحبي الكاتب) *******(منصة المؤلف الإلكترونية)

 

حمار في بلاد العجائز

(من الأدب الساخر)

رائعة جديدة للكاتب والسيناريست

خالد السيد علي

نقدمها في منصة المؤلف 

 

 الحلقة الأولى

 حمار تايه يا ولاد الحلال

 

تأليف

خالد السيد علي

-------------------------------------------------------

 

    ضل الحمار الطريق، فوجد نفسه في بلاد العجائز؛ فصدم ونهق قائلا:

<!--حمار تايه يا ولاد الحلال..

تلفت حوله فإذ بشاب يقابله بهستيرية من الضحك المتواصل..استغراب الحمار..واستطرد قائلا:

<!--إيه أول مرة تشوف حمار..؟

رد الشاب وهو يقطع الضحك بغيظ وهو يكز على أسنانه:

<!--لأ وأنت الصادق أول مرة أتمنى أكون زيك..

<!--وإيه اللي مانعك

<!--(منكسرا)من اللي أنا فيه..هموم..متاعب..قرف كسل خنقه..عجزت بدري..يا عم ما تقلبش عليا المواجع..

<!--بس أنا شايف إنك لسه صغير..في العشرينات يعني!

<!--أصلك حمار..بصيت على شكلي من بره..إدخل جوه وشوفني

<!--يااااااااااا دا أنت ضايع خالص وفي زيك كتير هنا؟

<!--قوي قوي..نفس الحالة(بصرخة)يا نهار أسود ومنيل إيه دا حمار وبيتكلم إزاي..

<!--لسه واخد بالك دلوقتي..ألا قولي هي بلادكم دي اسمها إيه؟

<!--مملكة العجائز..عاجزين عن تحقيق أي حاجه ..وشخنا وكبرنا بدري بدري(بنبرة غنائية)بعد ما دابت أحلامي بعد ما نامت أيامي ..بعد ما غليت مشترياتي ..ألقاك حمار قدامي ..ألقاك حمار قدامي....

<!--يا عم المطرب.. إرحمني أنا تايه وعايز أرجع بلدي..

<!--أنت منين؟

<!--من مملكة الحمير..

<!--يا بختك ..ما تأخدنيش معاك وأنت مروح

<!--بقولك تايه ..هو البعيد حمار واللا بيستحمر..لمؤاخذة أنا أول ما شوفتك استحمرتك..

<!--نظريتك في محلها ..كل اللي في المملكة هنا زيي كده بعد ما عجزنا بقينا زي الحمير..زيك يعني لمؤاخذة..

<!--ولمؤاخذه ليه..شرف ليا إني حمار..ولعلمك أنا حمار كبير في بلدي..      

<!--وإيه جابك هنا يا كبير..

<!--بقولك توهت..أنت ما بتفهمش..

<!--أهو بوادر الحمورية بدأت عليا..بركاتك يا عم الحمار..بس أنت شكلك يجيب على جحش..

<!--يا سيدي أنا حمار حمااااااار كبير..وعايز أرجع بلدي..بس مش عارف إزاي؟

<!--طب قولي جيت إزاي..عشان أعرف أرجعك في نفس السكة؟

<!--أنا ما جتش أنا توهت..أصل كنت نايم على مركب رحلة مع أهلي وأصحابي ..صحيت لقيت نفسي هنا في المملكة بتاعتكم..

<!--على العموم أنا مستعد أدور معاك على مملكة الحمير، وترجع لأهلك وأصحابك سالم غانم..بس بشرط

<!--قبل الشرط ..مين سالم غانم ده؟

<!--وأنا أعرف منين..خلينا في حالنا بلاش نجيب في سيرة حد ممكن يطلع قريب حد تاني..خلينا في الشرط..

<!--إيه هو الشرط؟

<!--وإحنا بندور على بلدك، عايزك تدينا كورس أنا والشباب العجائز اللي زيي إزاي نكون حمير بجد..

<!--شكلك عايز الجنسية بتاعتنا..

<!--حمار وبيفهم..أقطع هدومي يا عالم..

<!--بس أنا شايف إنك ما تقلش عني في حاجه..

<!--يا حمار بلاش نفاق ومجاملة..

<!--أنا أكره النفاق والمجاملة الزائفة..أنت مش بتمشي جنب الحيطة ساكت؟

<!--آه

<!--عندك ضمير..وذكي ووفي..وعارف طريق الشغل رايح جاي؟

<!--آه

<!--ومهما تتسك على قفاك وتضرب على ضهرك بالكرباج برضه صابر؟

<!--آه

<!--شوفت أهي ودانك وقفت وطولت..يعني حمار..

<!--برضه حتدينا كورس وبالمجان..

<!--لولا إني طيب وحساس وشاعر ما كنتش وافقتك

<!--هو أنت بتقول شعر

<!--الشعر في دمي من وأنا جحش صغير..أنا وبلا فخر ابتكرت شعر جديد في المملكة عندنا..أسمه شعر (الحماريات)..

<!--أكيد كل اللي بيسمعه بيتهبل، وبينهقلك

<!--ويرفس وحياتك من السعادة..

<!--طب سمعني حاجه كده على الماشي

<!--القصيدة اسمها ما تتأخرش يا حمار.. بتقول يا سيدي..

قوم ..روح..تعالى..ما تتأخرش بالبرسيم...روح..تعالى..قوم..ما تتأخرش بالبرسيم..تعالى..قوم..روح ما تتأخرش بالبرسيم..ما تتأخرش يا حمار وتعالى...

<!--إيه سكت ليه..ما تكمل..

رد  الحمار متهكماً وهو يعبر الشارع:

<!--أكمل إيه مش لما ييجي البرسيم.

فجأة داهمت الحمار عربة طائشة، وهي تطيح به، صرخ الشاب:

-حاسب الحماااااااااار...

رد السائق وهو مهرولاً ولم يقف بالعربة:

<!--أحاسب إيه ..ما هو اللي معدي غلط.

بحلق الشاب في الحمار وهو مقطباً..رفع الحمار رأسه قائلاً:

<!--حتفضل تبحلق فيا كده كتير..قوم فز..اطلبلي الإسعاف..أنا بأنزف وبموت.

<!--(مندهشاً)إسعاف إيه يا حمار..دا أنت متفائل قوي..أنزف أنزف.. هو عندكم في مملكة الحمير بيجيبولكم إسعاف في الحالات اللي زي دي؟ ياحمار...ياحمار.. أنت مابتردش ليه؟

<!--أرد إزاي يا جحش مش بأقولك بأنزف وبموت .

 

تمت

 

 

#كتابات_أدبية_مسلسلة_خالد_السيد_علي

 

#أدب_ساخر_حمار_في_بلاد_العجائز

 

#الحلقة_الأولى_حمار_تايه_ياولاد_الحلال

 

#باق_حلقات_حمار_في_بلاد_العجائز_pdf

 

#الأحداث_من_وحي_الخيال_لعالم_الحمير

 

 

تم النشر وتصميم الغلاف

فريق عمل الموقع

مع تحياتنا

 

المصدر: من إبداعات المؤلف خالد السيد علي
  • Currently 0/5 Stars.
  • 1 2 3 4 5
0 تصويتات / 9 مشاهدة

الأديب والسيناريست والشاعر الكبير خالد السيد علي

khaledelsyedaly
أعزائي وأحبائي محبي الكاتب والمفكر الكبير خالد السيد علي هذا هو الموقع الأول على بوابة كنانة أونلاين(منصة المؤلف الإلكترونية) ويسعدنا ان نتواصل معكم في عالم المعرفة.. كي نتعلم معاً ونزداد نور على نور..دعوة لاحباء الكاتب للمشاركات.. يقول كاتبنا في الابداع على الانسان أن يبدع في أي مجال حتى يكتشف نفسه..... »

ابحث

تسجيل الدخول

عدد زيارات الموقع

2,971