يشترك فيها :

صالح، أو ديك الجن

:

شخصية من الخيال ، اتركها للمصمم والمخرج  ليبدعا قدر استطاعتهما

امل

:

– فتاة في العاشرة ، رقيقة ، جميلة ، مهذبة ، نشيطة .... الخ.

أم سامي            

:

– في الأربعينيات، شريرة... الخ.

سامي

:

في العاشرة ، شرير ... الخ.

المفتاح

:

تفاح على الشجرة

:

أرغفة في الفرن

:

حمامة ، طيور وحيوانات من كل زوجين اثنين.

:

واجهة بيت امل الداخلية، سرير تنام عليه امل ، ساعة إلى جانب السرير ، تتحرك امل في سريرها دون أن تظهر ملامحها للجمهور .

بئر من جهة اليمين ، شجرة ، صورة الأب والام ، بابان ، الأول عبارة عن مرآة ، موسيقى يصاحبها أصوات عصافير وحيوانات مختلفة .

من خلال باب المرآة تدخل مجموعة من الطيور والحيوانات من كل زوجين اثنين : فراشتان، قطتان، ضفدعان، كلبان، حماران، فيلان... الخ، وبانسجام  تؤدي معا رقصة جميلة تعبر عن المرح يتخللها بين الحين والآخر كسر في الإيقاع يعكس جوا من الخوف والترقب .

تتوقف الموسيقى فجأة ، صمت، الحيوانات والطيور تتوجه بأبصارها نحو المرآة، تعود الموسيقى هادئة تتدفق مع دخول حمامة تحمل غصن زيتون يشبه المفتاح ، الحيوانات والطيور تلهو مع الحمامة ، تراقصها ، تدور حولها ، تحاول إمساك المفتاح ( الغصن) .

تنتهي الموسيقى على صوت صياح الديك، الحمامة تضع الغصن على طرف البئر وتخرج عن طريقة، تتبعها الطيور والحيوانات بشكل زوجي يذكر بمشهد الصعود إلى سفينة نوح ، أثناء الخروج نسمع حواريات وهمهمات بلغة الحيوانات وأصواتها المختلفة تعبر عن دهشة وترقب، ويترافق ذلك مع صياح الديك الذي ينهي المشهد .

موسيقى، يظهر ديك الجن مغنيا بين الجمهور:

وين وين وين وين     وين راح المفتاح ؟

مين مين مين مين      مين اخذ المفتاح؟

لونه اخضر ، رأسه مدرور ،

عقلي تحير ، لازم اسأل ،

مين اخذ المفتاح؟

وين وين وين وين     وين راح المفتاح؟

مين مين مين مين      مين أخذ المفتاح؟

دور عندك ، فتش جنبك،

بلكي حدك ، يمكن حدك ،

بتلاقوا المفتاح.

وين وين وين وين              وين راح المفتاح؟

مين مين مين مين                مين أخذ المفتاح؟

فتش يلا ، بكفي دلاعة

صارلو ضايع، من كم ساعة

وبعد شوي، بترن الساعة

ارحمني يا فتاح

وين وين وين وين             وين راح المفتاح؟

مين مين مين مين              مين اخذ المفتاح ؟

ديك الجن

:

– المفتاح، مين شافه ؟ هاي مصيبة كبيرة ، أنا لازم ألاقي المفتاح قبل ما تصحى امل. المفتاح هادا غالي عليها كتير كتير ، هدية من أبوها، وصاها تدير بالها عليه وما تضعيه، وقال أنها لازم تستعمله لما ييجي وقته. لازم ألاقيه قبل ما ترن الساعة ، إذا رنت الساعة بتصحى امل، شو أحكيلها إذا سألتني ؟ قولولي، ساعدوني، أقول ضاع؟ كيف يضيع وأنا مسؤول عنه ، كان لازم أدير بالي لأنه أمها وصتني ادير بالي عليه، أساعد امل وادير بالي عالمفتاح ، بلكي انسرق ؟ ! طب مين سرقه؟ وليش ؟ هادا مفتاح امل ومش مفتاح أي حدا تاني ، احسن أشي أقوللها انه وقع في البير، بس هدا كذب والكذب غلط وحرام ، شو اعمل يا ربي ؟ أقولكم ، احسن اشي أفتش عليه جواة البيت كمان مرة ، بلكي لاقيته ، شو رأيكم ، احلى فكرة ، صح؟

( يختفي مدندنا كلمات الأغنية ليظهر بعد لحظات من خلف الشجرة )

وين راح المفتاح؟ يمكن جنب الباب؟ مفيش ، مصيبة كبيرة ، بلكي تحت التخت ؟ مصيبة اكبر طب فوق الصورة ؟ شفت المفتاح يا أبو امل ؟ لأ ؟ وأنتي يا أم امل ؟ برضه لأ ؟ يمكن يكون معلق عالشجرة ؟ برضه مفيش. ما ضل غير البير ( يضع يده على الغصن دون ان ينتبه لوجوده، يدخل راسه في البئر وينادي فيسمع صدى الصوت ) المفتاح، شفت المفتاح يا بير ؟ ( يتداخل الصدى مع اصوات مختلفة توحي باجواء اسطورية ) يا جماعة البير حدا شاف المفتاح؟ ( يتداخل الصدى مع اصوات مختلفة توحي باجواء اسطورية ) يا جماعة البير حدا شاف المفتاح؟ دورت في كل محل بس بدون فايدة، تعبي راح خسارة ، عالفاضي . يا خسارة تعبك يا صالح ! ( يبكي على طرف البئر ، يفاجؤه صوت رنين الساعة) ايش ؟ مين ؟ ليش ؟ شو في ؟ ( يرى المفتاح وهو نفس غصن الزيتون الذي تركته الحمامة ) لاقيته ( يحمله ويرقص فرحا) هيو ، الحمد لله ، الحمد لله.

امل

:

صباح الخير يا ديك الجن .

صالح

:

شو هالصبح الحلو! صباح النور ، ولو اني زعلان منك.

امل

:

وليش زعلان ؟

صالح

:

اولا لانك قلتيلي ديك الجن وانا بحب تقوليلي صالح.

امل

:

وثانيا ؟

صالح

:

لانك ضيعتي المفتاح وانا لاقيته. 

امل

:

انا ضيعته وانت لاقيته ؟

صالح

:

ايوه، وانتي نايمة، مش قلتلك تعلقيه برقبتك وما تحطيه عالطاولة .

امل

:

متأسفة ، نسيت ، خلص اعطيني اياه وراح اعمل زي ما قلت .

صالح

:

خدي .

امل

:

هات ( تأخذ المفتاح وتعلقه على صدرها، وتقف مقابل المرآة ) بابا قال بستعمله لما ييجي وقته وماما كمان وصتني عليه كثير ، ودايما بتحكي عنه وبتقول انه في مفاتيح كثيرة زيه موزعة في كل العالم .

( طرق على الباب ، امل تتوجه نحو الباب ، الديك يقف في طريقها)

المشهد الثالث

صالح

:

استني خلينا نعرف مين قبل ما تفتحي.

امل

:

صح ، لازم نعرف مين بالاول ، مين ! مين بدق عالباب ؟

صوت ام سامي

:

افتحي يا امل ، انا ام سامي .

صالح

:

مصيبة ، بلوة كبيرة، يا ساتر استر يا رب ، اوعك تفتحي الباب.

ام سامي

:

افتحي، الدنيا شوب وانا راح اموت من العطش .

صالح

:

ما تفتحي ، المرة هاي شريرة ، واكيد بدها تسرق المفتاح.

سامي

:

افتحي راح أموت من الشوب!

صالح

:

يي يي يي ، مصيبة اكبر ، ابنها سامي ، هادا شرير اكثر منها.

امل

:

حرام عليك يا صالح، هدول مساكين ، عمرهم ما آذوا حدا ، ابعد خليني افتحلهم.

صالحي

:

يا امل اسمعي كلامي ، هدول ملاعين ، بيتمسكنوا لحد ما يتمكنوا ، انا بعرفهم اكثر منك .

امل

:

بس هيك حرام ، الدنيا شوب وهمة تعبانين وعطشانين وجوعانين واحنا لازم نساعدهم.

صالح

:

بس هدول شريرين .

امل

:

اذا غلبونا بنطردهم .

صالح