جارى التحميل
استخدم زر ESC أو رجوع للعودة
دوبت قلبى بالوداع ولا همك
وكان قربى والهوى سبب همك
ياريت تلاقى فرحتك ف كل خطوه
وانا من قلبى هادعيلك وكانى امك
=========================================
نيلى روانى مره وجف
وكان وسعه قد الكف
موت الزرع ارحم من المه
امته ياعود العمر تجف
==============================================
عكازى اللى سندت عليه
فاتنى وقاللى من غير ليه
قلت بناقصك يكمل عجزى
واهو عمرى اتعكزت عليه
===========================================
جوه صبايا طلعلى الشيب
ونفاق جانى بشكل كئيب
قلت نهاية الدنيا تقرب
قاللى عليكى والله عيب
=========================================
جوه الجرح بشق طريق
وارسم قلبه الف صديق
فجاه الاقى الصدق اتخفى
ورا مليون كدب ف ضيق
========================================
ساحة النقاش