مصر الغاليه ليه شابت
وعن حضاره ورياده تابت
واللى غابوا عن فهمها بيدمروا
وانتى حبك جوا قلبى يابلدى ثابت
============================
يافرع اخضر جوا القلوب بيهم
ياللى علمتينا م الصغر شيل الهم
رغم الجراح عمرك ماهنتى يوم
اسقى اللى ظلمك من كؤوس الدم
================================
ياغيط وميه وراكيه وسهرايه
ياغربه جوه الوطن عايشه جوايه
نفسى اتنفس هوا بطعم حريتك
من غير طوارئ ولا ضبطيه غوايه
==================================
يابيت بطوب اخضر وبرج حمام
امته هعيش انا وانتى ف سلام
وتلمنا قاعده تزيل جراح العمر
ونزفك لعريس فارس اوى وهمام