جارى التحميل
استخدم زر ESC أو رجوع للعودة
سمرا وجمالى جوا الضلوع مكنون
ولؤلؤى ف عقلى زى محار مسكون
ياللى تغير خليك كده بنارك
لا عمرى هاضعف ولا ف يوم راح اهون
====================================
عارفاك فارس ولا ترضاش ابدا باهانه
وكمان عندى وعامل قلبك لى زنزانه
بس بحب تلقى غرامى نور لحياتك
وافديك عمرى انا حساسه اوى وانسانه
====================================
اوعى تفكر ان بعادك راح يكسرنى
لا يا حبيبى انت بعندك راح تخسرنى
اصلى عنيده وودايما صلبه
احسن ليك لو عايز تكسب قرب منى
=================================
سفينتى جوا القلب سماح وطيب نيه
لكن لو اتحدى اكل لحوم نيه
ماهو سكوتى مش ضعف ولا خيبه
انا بس باستقو ى ع النار بقى بميه
===========================================
قلمى ف ايدى وعلمى انا ف راسى
ودينى عفه تاجى ونبراسى
يا للى تعادى مليش معاك نيه
يكفينى م الدنيا قلمى وكراسى
===========================================
قلبى اللى شال م الحزن ياما جبال
ومن كتر شيله اتقال عليه ابو الاجمال
ولما الحمل تقل وقع ولا قامشى
قمت من كسرتى عملتله تمثال
================كنت باحب بقلبى ورحى
وعمر هواك مدوالى جروحى
كنت باحب وباوفى وباخلص
وكنت اسايا واصل لنوحى=========================
=====================
بيقول ظلمتنى وبايدها جرحتنى
وانا اللى شاريها وبالرخص باعتنى
راجع كده نفسك واسال بقى روحك
كام واحده حبيتها ونار بها كويتنى
ساحة النقاش