فاكر حلمنا

 لما كنا بنرسمه

كنت تبدا البدايه

 وانا معاك اكمله

كان الامان بيضمنا

 والخوف ما بينا بنقسمه

وبنهزم بادينا الالم

 وطريق الحب نعلمه

ازاى يهدهد عاشقين

وبشوقى وشوقك نوسمه

لو كنت فى ابعد مكان

 وتسمع همسى

جبل الصعاب بتنقله

شوكة الم لو يوم تصيبك

كان قلبى ينزف

المك عندى نهايته واوله

بيك الحروف اتلونت

وكل صعب استسهله

يانخل عالى فى الشهامه

ومصرى الكون ينهز له

باعشق سكون ثورتك

وصوت الحق ف نبرتك

نظرة عنيك رومانسيتك

عمرى عن هواك ايه يشغله