يا ابنى خليك فى الحشا ما تتولد
جوه امان من الزمان ومن البلد
لو يوم هتنزل راح يسرقو الحلم ف اديك
ويعلموا الخوف يبات ما بين عنيك
وصوتك اما يتكتم وماينطق الا كلمه تتحسب يا ابنى عليك
خليك جوايه يمكن تتولد ليهم رسول
لسانه ماينطق غلط ولا يرضى يوم تبقى فلول
وتكون فى الحق ياولد اكبر م الغول
يا ابنى خايفه تتهزم ويضيع منايا
وعمرى عشته اولدك فرحة صبايا
تكون لبلادى فجربعد ليل طويل
تكون لكل حزينه سعد بعد العويل
تجيب حق اللى اتغدربه ومات قتيل
عشان بيقول بلادى لازم ينتهى من قلبها ضلام الليل
يا ابنى اوعاك فى يوم تكون فرعون
هييجى يوم وتغرقك كل الهموم
كلام الحق مسيرة يوصل مهما الطريق بيه يطول
أ