ايه يعنى لو القطر فاتك
ايه يعنى الحياه تحرقك وتنثر رفاتك
ايه يعنى البشر تخون والحبيب فاتك
ايه يعنى ماشوفت فرح ف حياتك
معنى كده انك تنهار
وتعيش ف ليل مالوش نهار
تبكى اللى راح وتبكى اللى صار
انا مش معاك
ابنى الامل سلم جديد واطلع عليه
وان كات حياتك بحر غريق
اجعل ايمانك مجداف وجدف بيه
وان كان الالم حجم السما اجعل رضاك
اجمل جناح ترفرف بيه
وهزم الايام ببسمه منوره
يمكن يكون صعب لكن مش مستحيل
تلقى الحياه معاك مستخسره
تعيشك لحظه الم ومعاها ويل
وتلاقى نور لو حتى شمعه صغيره
هتكون فى ليل العمر دليل
متقولش كلام واحده فى الحيا ه متنعمه
عايشه الليالى فى اغانى منغمه
انا قلب داق من الالام الوان كتير
شافوه الناس بيرفرف قالوا بيطير
ولما الفرح طل قالوا كتير
هى هتاخد فرحنا ونعيش احنا حزنها
والله كتير
علشان كده اتعلمت انا الرضا
وعشت كل الدنيا حلم لكن كبير
اضحك وابين ضحكتى من غير ليه ولا تفسير

د