جارى التحميل
استخدم زر ESC أو رجوع للعودة
مش هاشتكى القسوه م الدنيا والايام
ولا اقول اتبعت برخيص واساوى كام
سوق البضاعه كسد والسيد بقى خدام
اقول لمين شكوتى غير لرب الانام
القلب م المر تعب وملقيتش ليه طبيب
وعمر حالى ما صعب على عدو ولا حبيب
ومالى غيرك شفا فى دنيتى يارقيب
كتبت يوم مولدى بختى وتقسيمته
ورضيت انا بحالى الى قسمته
اجعل رضايا فرج فى الليل وتمتمته
حصنت قلبى بيك تكفينى شر الناس
وتبعد عنى الاذى ومن شيطان وسواس
واكفينى فى دنيتى من فاسد او خناس
ساحة النقاش