نزعت قلبى الحى
ووضعت حجر بديل
وتركت سكنى الحى
وسكنت نهر النيل
على الوذ بالامن
والقى طريق وسبيل
يامصر ليه الوهن
وليه نشيل الطين
من بعد عزه وفخر
وتاريخ كرامه طويل
ليه نيلك اتغير ومبقاش يقول مووايل
به هرمك اتحير بقى صوته كله عويل
ليه ابنك بيخونك ويقول شهم اصيل
والثورة ما نفعت تقضى على ليل طويل
والهدم ف اركانك عاملينه صلاه وترتيل
قومى خدى حقك م الظلمه وكيلى الكيل
وشدى نور فجرك يا ام فجر اصيل
خلى نيلك يرجع ويغنى ليكى النخيل
ندر عليه ياغاليه لاعمل زفه بخيل
وندق دفوف الهنا ونقول نزعنا الليل
يافرحتك يامصر رجعتى هبة النيل