ساحر و ف سحره ماهر
يجعل حبيبك بك ساهر
ومهما تهجر وتسافر
يفضل فى حبك صابر
يشهد الليل ونجومه
وقمر السما لما يلومه
يقوله تقدر ما لسما تغادر
وصفوة لصبيه مشتاقه
نسها حبيبها يتلاقى
بنظره عينها السحريه
راحت بسرعه تترجاه
وتقولله اجمعنى دقيقه معاه
وعيونى تشكى وتحكى هواه
وقد ايه قلبى يعافر
رد الساحر حبيبك مين
ده يساوى رجال ملاين
وسحرى مايقدر والله عليه
قالت ياميلة بختى ياناس
حتى السحر فشل وخلاص
اعيش العمر اعانى هواه
وهو ف نظرى اغلى م الماس
يامين يوصفله شوق قلبى
ويعرفه مقدار حبى
تعبت ادارى واخبى
واتمنى بروحى وعمرى افديه
قالولها ملايين حبوكى
واتمنوا بروحهم يفدوكى
واشمعنا ده هتموتى عليه
قالت غلب امهر ساحر
وموصفوش امهر شاعر
وكلامه وحركاته مشاعر
ياخلق قلولى اعمل ايه
قالولها مفيش حل لحالتك
غير انك تحكى حكايتك
على ربابه ويسمعها
يمكن يحن ويهواكى
او انه بيحب سواكى
قالت ياويله لو يوم حب
ووقع فواحده تانيه وطب
داانا قلبى لغيره ما حب
ومفيش غيره يرضينى
سمع كلامها وقال فى الحال
انا غزلت لك الموال
وكنت باسال الف سؤال
ازاى بعدى بيرضيكى
قالت انا مستنياك
لانى عارفه قلبى معاك
ووكاناكيد هافرح بلقاك
وعارفه ربى هيرضينى
رد وقال يا اغلى ملاك
بعدك ياما كان يضنينى
اتمنى اعيش العمر معاك
ولا لحظه تغيبى عن عينى
ولا لحظه تبعد عن عينى