فوق جبين الشمس هارسم بسمتى
واغزل من المطر جنه ف سكتى
واخد عيون عشقك نجمه ف ضلمتى
وافتح باب يطل على ايام حزينه
عدت اضحك عليها اقول لها اه يا لعينه
فاكره انك كسرتى عزتى
اهو فجرى شب
وجرحى طب
وعمرى صب
كل جبال الهم
عملها سفينه
جه الطوفان
خد الاحزان
ورسيت على ايام امان
ولقيت هناك
قلوب امينه
مفيهاش خداع
ولا حد باع
بالف باع
صارت مدينه
فيها الحقيقه
ولا فيش صراع
ولا اوهام
عشنا السكينه